Go Back   IndianTerminal > Silver Screen > ChilluJalakam


Post Comment
 
LinkBack Thread Tools Display Modes
Old 05-12-2017   #1 (permalink)
Phoenix
 
Abhimanyu22's Avatar
 
Join Date: Feb 2015
Location: ഭൂമി .....
Posts: 14,116
Thanks: 587
Thanked 1,448 Times in 532 Posts
Rep Power: 31
Abhimanyu22 is a splendid one to beholdAbhimanyu22 is a splendid one to beholdAbhimanyu22 is a splendid one to beholdAbhimanyu22 is a splendid one to beholdAbhimanyu22 is a splendid one to beholdAbhimanyu22 is a splendid one to beholdAbhimanyu22 is a splendid one to beholdAbhimanyu22 is a splendid one to beholdAbhimanyu22 is a splendid one to beholdAbhimanyu22 is a splendid one to behold
Credits: 39,198
Books സ്മരണകളിലും നിത്യഹരിതം









സ്മരണകളിലും നിത്യഹരിതം




മാറ്റൊലി
രമേശ്* ബാബു


വെള്ളിത്തിര ഒരു മായിക കാഴ്ചയാണ്*. ജീവിതസങ്കൽപങ്ങളുടെയും കാമനകളുടെയും അയഥാർത്ഥ ലോകത്തെ ദൃശ്യമാക്കുന്ന വെള്ളിത്തിരയിലെ ബിംബങ്ങൾ അതുകൊണ്ടുതന്നെ മരീചികപോലെ വ്യാമോഹിപ്പിക്കുന്നു. സിനിമ എന്ന കലയുടെ ഈ മെലോഡ്രാമാറ്റിക്* ഭാവകൽപനയിൽ പെടുന്നവർക്കൊക്കെ അതിപ്രശസ്തിയുടെ വെള്ളിവെളിച്ചവും കൂട്ടിനുണ്ടാകും. രാവുണർന്നാൽ സൂര്യനെന്ന യാഥാർത്ഥ്യത്തിന്* മുന്നിൽ നിഷ്പ്രഭമായി പോകുന്ന താരകത്തിന്റെ വെള്ളിവെളിച്ചം. സിനിമാലോകത്ത്* പ്രശസ്തിയുടെ വെളിച്ചത്തിൽ നിറഞ്ഞുനിന്നവർ പലരും ഇരുട്ടിനാൽ ഗ്രസിക്കപ്പെടുകയും പ്രകാശമറ്റ്* പൊലിഞ്ഞുപോകുകയും ചെയ്യുന്നത്* സ്വാഭാവികം. രാവിൽ വിണ്ണിൽ തെളിയുന്ന നക്ഷത്രത്തിന്റെ ആയുസ്* മാത്രമുള്ളതുകൊണ്ടാകാം അവരെ മണ്ണിലെ താരകങ്ങൾ എന്ന്* വിശേഷിപ്പിക്കുന്നത്*. ഇതിൽ പ്രശസ്തിയുടെ വെള്ളിവെളിച്ചം യശസാക്കി മാറ്റാനും മനുഷ്യസംസ്കാരത്തിന്റെ നിതാന്തസ്മരണകളിൽ ജ്വലിച്ചു നിലനിൽക്കാനും ഭാഗ്യം സിദ്ധിച്ചവർ തുലോം വിരളവുമാണ്*. അന്തരിച്ച്* ദശാബ്ദങ്ങൾ കഴിയുമ്പോഴും ഒരു വ്യക്തിത്വം നമ്മെ ഓർമകൾക്കൊപ്പം സാന്നിധ്യം അറിയിച്ചു കൊണ്ടിരിക്കണമെങ്കിൽ അത്* ആ വ്യക്തിത്വത്തിന്റെ അനാദൃശ്യതയും അതുല്യതയും മഹത്വവും കൊണ്ടാവണം. പ്രേംനസീർ എന്ന മലയാളസിനിമയുടെ കാൽപനിക നായകൻ രംഗമൊഴിഞ്ഞിട്ട്* വർഷം 27 കഴിയുന്നു. 2017 അദ്ദേഹത്തിന്റെ നവതിവർഷമാണ്*. അത്യുജ്ജ്വല നടനെന്നോ, അതിശയിപ്പിക്കുന്ന അഭിനേതാവെന്നോ ചലച്ചിത്ര നിരൂപകർ വിലയിരുത്തപ്പെടാത്ത പ്രേംനസീർ പക്ഷേ ഇപ്പോഴും ഒളിമങ്ങാത്ത ഓർമയായി അത്ഭുതപ്പെടുത്തികൊണ്ട്* നമുക്കിടയിൽ സജീവമായി നിറഞ്ഞുനിൽക്കുന്നു. ഇത്* എന്തുകൊണ്ടായിരിക്കണം?
പ്രേംനസീറിനെക്കുറിച്ച്* പറയാൻ കേരളീയവും ദേശീയവും അന്തർദേശീയവുമായ ഒരുപാട്* നേട്ടങ്ങളും മേൻമകളുമുണ്ട്*. എല്ലാ അഴകളവുകളും ഒത്തിണങ്ങി രൂപഭംഗിയോടെ പിറന്ന ഏറ്റവും സുന്ദരനായ മലയാളി. പ്രേംനസീറിന്* ശേഷം മലയാളസിനിമയ്ക്ക്* ഇത്രയും രൂപസൗകുമാര്യമുള്ള ഒരു നടൻ ഉണ്ടായിട്ടില്ല. ഇപ്പോൾ പല മുൻനിര നായകരും ചന്തം വരുത്തിയതൊക്കെ സിനിമയുടെ ഭൗതിക സമൃദ്ധിയിലൂടെ മാത്രമാണല്ലോ. മലയാളത്തെ എക്കാലത്തെയും സൂപ്പർസ്റ്റാർ പ്രേംനസീർ അല്ലാതെ മറ്റാരുമായിരുന്നില്ലായെന്നതും യാഥാർത്ഥ്യമാണ്*. ഒരു ചിത്രം വിജയിപ്പിക്കാൻ അദ്ദേഹം മാത്രം മതിയായിരുന്നു. ഇന്ന്* തിരക്കഥയുടെയോ, അനുസാരികളുടെയോ പിൻബലമില്ലാതെ ഒരു നടനും അതിന്* കഴിയുന്നില്ല. അറുന്നൂറിലേറെ ചിത്രങ്ങളിൽ നായകനായി പ്രേംനസീർ ഗിന്നസ്* റെക്കോർഡിൽ എത്തിയത്* ഇനി സിനിമാലോകത്ത്* ഒരു നടനും സാധ്യമാവുമെന്ന്* തോന്നുന്നില്ല. അതുപോലെ ഷീലയോടൊപ്പം 130 ചിത്രങ്ങളിൽ അദ്ദേഹം നായകനായി രേഖപ്പെടുത്തിയിട്ടുള്ള റെക്കോഡും തിരുത്തുക പ്രയാസമാണ്*. സമകാലിക മലയാള സിനിമയിൽ ഒരു നായികയ്ക്ക്* ഇപ്പോൾ മൂന്ന്* വർഷം പോലും ആയുസ്* കാണുന്നത്* അപൂർവമാണ്*. സംവിധായകൻ ശശികുമാറിന്റെ ചിത്രങ്ങളിൽ അഭിനയിച്ച്* ഒരു സംവിധായകനും നായകനും തമ്മിൽ ഏറ്റവുമധികം സിനിമ ചെയ്ത റെക്കോഡും അവർക്ക്* മാത്രമുള്ളതാണ്*. ഒരു ഗായകൻ ഒരു നായകനു വേണ്ടി ഏറ്റവുമധികം ഗാനമാലപിച്ചിട്ടുള്ളതും നസീറിന്റെ മാത്രം നേട്ടമാണ്*. ബോളിവുഡ്* സിനിമാരംഗത്ത്* ഗായകൻ കിഷോർകുമാറിന്റെ ഗാനരൂപമാണ്* രാജേഷ്* ഖാന്ന എന്ന്* വിശേഷിപ്പിച്ചിരുന്നത്* പോലെയാണ്* കേരളത്തിൽ യേശുദാസും പ്രേംനസീറും തമ്മിലുണ്ടായിരുന്ന സ്വരലയം. ഗാനരംഗങ്ങൾ അവതരിപ്പിക്കാൻ പ്രേംനസീറിനുണ്ടായിരുന്ന പാടവം ഗാനത്തെയും ഗായകനെയും വെല്ലുന്നതരത്തിലായിരുന്നു. 1979ൽ 30 ചിത്രങ്ങളിൽ നായകനായി അദ്ദേഹം മറ്റൊരു ലോകറെക്കോഡു കൂടി സ്ഥാപിച്ചിരുന്നു. 85ൽ അധികം നായികമാർക്കൊപ്പം അഭിനയിച്ചിട്ടുള്ള നായകൻ എന്നൊരു പദവിയും അദ്ദേഹത്തിനുണ്ട്*. 1952ൽ മരുമകൾ എന്ന ചിത്രത്തിലൂടെ വെള്ളിത്തിരയിൽ നിറഞ്ഞ പ്രേംനസീർ അറുനൂറിലേറെ മലയാളചിത്രങ്ങളിലും 37 തമിഴ്ചിത്രത്തിലും ഏഴ്* തെലുങ്ക്* ചിത്രത്തിലും രണ്ട്* കന്നട ചിത്രത്തിലും പ്രത്യക്ഷപ്പെട്ടിട്ടുണ്ട്*. തെന്നിന്ത്യൻ ഭാഷാചിത്രങ്ങളിൽ കൂടുതൽ ശ്രദ്ധിച്ചിരുന്നെങ്കിൽ തെക്കൻ ഭാരതത്തിന്റെ തന്നെ ഒന്നാം നമ്പർ താരമായി അദ്ദേഹത്തിന്* മാറാൻ കഴിയുമായിരുന്നു. പക്ഷേ മലയാള സിനിമയിൽ സ്വയം ഒതുങ്ങുകയായിരുന്നു നസീർ. 917 സിനിമകളിൽ നായകനായോ നായക പ്രാധാന്യമുള്ള റോളുകളിലോ അഭിനയിക്കുകയും 36 കൊല്ലത്തിലേറെ എതിരില്ലാതെ സിനിമാരംഗത്ത്* നിറഞ്ഞുനിൽക്കുകയും ചെയ്ത പ്രേംനസീറിനെ രാഷ്ട്രം പത്മശ്രീ, പത്മഭൂഷൺ ബഹുമതികൾ നൽകി ആദരിച്ചിട്ടുണ്ട്*. എങ്കിലും അഭിനയമികവിന്റെ പേരിൽ അദ്ദേഹത്തിന്* വലിയ പുരസ്കാരങ്ങളൊന്നും ലഭിച്ചിട്ടില്ല. 1981ൽ ജൂറിയുടെ പ്രത്യേക പരാമർശം ഉണ്ടായത്* മാത്രമാണ്* അപവാദം. സുന്ദരനും സുമുഖനുമായ നടനെ റൊമാന്റിക്* വേഷങ്ങളായിരുന്നു കൂടുതലും തേടിയെത്തിയതെന്നതും അദ്ദേഹത്തിന്റെ സാധ്യതകളെ പരിമിതപ്പെടുത്തിയിരിക്കാം. അതേസമയം അടിമകൾ, ഇരുട്ടിന്റെ ആത്മാവ്*, അസുരവിത്ത്*, നഗരമേ നന്ദി, കടൽപ്പാലം, അഗ്നിപുത്രി, വിടപറയും മുമ്പേ, പടയോട്ടം, ധ്വനി എന്നീ ചിത്രങ്ങളിൽ പ്രേംനസീർ സഹഅഭിനേതാക്കളെ ബഹുദൂരം പിന്നിലാക്കി തന്നിലെ നടനമികവ്* പ്രത്യക്ഷമാക്കുന്നുണ്ട്*. അതിപ്രശസ്തിയിൽ ഒന്നാം നിര താരമായി വാഴുമ്പോഴും കള്ളിച്ചെല്ലമ്മ, അഴകുള്ള സെലീന എന്നീ ചിത്രങ്ങളിൽ വില്ലനായി അഭിനയിച്ച നസീർ ഒരു മടിയും കൂടാതെ തന്റെ സ്ഥിരം ഇമേജിനെ തകർത്തെറിയുന്നുമുണ്ട്*.
പ്രേംനസീർ എന്ന സൂപ്പർതാരം പൊലിഞ്ഞിട്ട്* മൂന്ന്* ദശാബ്ദക്കാലം ആകുന്നെങ്കിലും അദ്ദേഹം സന്നിഹിതമാക്കിയ സർവഗുണസമ്പന്നനായ നായക കഥാപാത്രങ്ങൾ അദ്ദേഹത്തിന്റെ തന്നെ വ്യക്തിത്വത്തിന്റെ ഭാഗമായിരുന്നെന്ന തരത്തിലാണ്* സ്മരണകൾ ദീപ്തമായി നിൽക്കുന്നത്*. ആ ബാഹ്യസൗന്ദര്യത്തെക്കാൾ വലുതായിരുന്നു ആന്തരികസൗന്ദര്യമെന്ന്* സഹപ്രവർത്തകർ ഇപ്പോഴും അയവിറക്കുന്ന ഓർമകൾ നമ്മോട്* പറയുന്നു. സിനിമാ മേഖല നൽകുന്ന പ്രശസ്തി, പണം, സുഖഭോഗങ്ങൾ, ഒന്നാംസ്ഥാനം എല്ലാം ഉണ്ടായിട്ടും ഒരാൾ എല്ലാവരോടും സ്നേഹവും സൗഹൃദവും സൂക്ഷിച്ച്*, ദാനധർമങ്ങൾ നൽകി, മതേതരനായി, പെരുമാറ്റത്തിൽ സുഗന്ധം ചാലിച്ച്* ജീവിച്ച്* മരിക്കുക എന്നത്* അത്ഭുതകരമായ കാര്യമാണ്*. മനുഷ്യജന്മത്തിന്റെ കേവലതകളെക്കുറിച്ച്* ആഴത്തിൽ ബോധമുള്ള ജ്ഞാനികൾക്കേ അതിന്* കഴിയൂ. പ്രഭാവത്തോടെ പിറന്നൊരാളിൽ കഠിനാധ്വാനവും കൃത്യനിഷ്ഠയും സഹഭാവവും നന്മയും ഒത്തുചേരുമ്പോൾ സംഭവിക്കുന്ന മഹനീയതയാണ്* പ്രേംനസീർ എന്ന പൊരുൾ എന്ന്* തോന്നുന്നു. ഈ വിമലോർജ്ജം നമ്മെ മോഹിപ്പിച്ചുകൊണ്ടേയിരിക്കും നിത്യഹരിതമായി.
മാറ്റൊലി: അരിസ്റ്റോട്ടിൽ ‘പൊയറ്റ്ക്സിൽ’ സൂചിപ്പിച്ച ‘ട്രാജിക്* ഫ്ലോ’ പ്രേംനസീറിന്* കോൺഗ്രസ്* രാഷ്ട്രീയമായിരുന്നെങ്കിലും അദ്ദേഹത്തിനത്* അതിജീവിക്കാനായി.
__________________



Abhimanyu

Last edited by Abhimanyu22; 05-12-2017 at 05:41 PM.
Abhimanyu22 is offline   Quote
The Following 3 Users Say Thank You to Abhimanyu22 For This Useful Post:
Old 05-18-2017   #2 (permalink)
Super Senior
 
Anishka's Avatar
 
Join Date: May 2011
Location: uae
Posts: 11,721
Thanks: 444
Thanked 12 Times in 1 Post
Rep Power: 18
Anishka is on a distinguished road
Credits: 200
Default

Thanks for the share abhi..
Anishka is offline   Quote
Post Comment

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is On
Trackbacks are On
Pingbacks are On
Refbacks are On

Forum Jump

Similar Threads
Thread Thread Starter Forum Replies Last Post
തമിഴ്*പുലി നേതാക്കളുടെ രഹസ്യ സങ്കേതം കണ് Manuambiyil News Archive 2 02-03-2009 07:59 AM
സൂര്യഗ്രഹണം കേരളത്തില്* ഭാഗികമായി ദൃശ്യ& Manuambiyil News Archive 2 01-27-2009 10:12 AM
മുംബൈ ആക്രമണം: കൂടുതല്* തെളിവുമായി ചിദംബര Manuambiyil News Archive 4 01-04-2009 04:27 AM


All times are GMT -4. The time now is 03:10 PM.

Powered by vBulletin®
Copyright ©2000 - 2017, Jelsoft Enterprises Ltd.
Copyright ©2007 - 2017, IndianTerminal